Arzo Saman Bane Hain Naat lyrics | Owais Raza Qadri

Arzo Saman Bane Hain Naat lyrics | Owais Raza Qadri

Arzo Sama bane hein isi Noor ke tufail
Taare chamak rahe hein isi Noor ke tufail

Gulshan hare bhare hein isi Noor ke tufail
Donon jahan saje hein isi Noor ke tufail

Is Noor ka ajal se abad tak hai silsila
Ye Noor wo hai jiska tarafdar hai Khuda

Aaya hai raahe rast dikhane ke waste
Bandon ko unke Rabb se milane ke waste

Buniyad But kadon ki girane ke waste
Rasmo Riwaj Kufr mitane ke waste

Insan ko bandagi ka saleeka sikhayega
Ye Noor zulmaton ko ujale banayega

Arzo Sama bane hein...

Laya hai Apne sath Masawat ka nizam
Uski nazar mein ek hein Aaqa ho ya Gulam

Sh'awa hai uska lutf Mohabbat hai uska kam
Badlega zulmo jor ke andaz ye tamam

Logon ke dil se zange kadurat chhudayega

Dukhtar khushi ki rasmein jahan se mitayega

Arzo Sama bane hein

Guftar la-jawab hai Kirdar be-nazeer
Hami sitam-zadon ka Yatimon ka Dastagir

Halka bagosh uske hein kya shah kya fakeer
Insan reh sakega na insan ka aseer

Bhuka rahega khud wo jahan ko khilayega
Wo Apne dushmanon ko gale se lagayega

Arzo Sama bane hein

Paigame Haq ye sare jahan ko snayega
Kina-zadon ko rashke gulistan banayega

Har gam rehmaton ke khazane lutayega
Insan ko ye darse ukhuwat sikhayega

Dega kuchh is ada se paigame Dosti
Zehnon se door kar dega sadiyon ki Dushmani

Arzo Sama bane hein

Ye Sahibe Jamal hai ye Sahibe Kamal
Khush dil hai Khush pasand hai Khush khulq Khush khisal

Roshan karega rustho hidayat ke wo diye
Ban jayegnge sabaq jo har daur ke liye

Arzo Sama bane hein

Beshaq yahi hai baishe Takhlike kaynat
Chamkega uske husn se har gosha-e-hayat

Rasikh hai uska qaul to sachi hai har ek baat
Dil mein hai uske reham Nazar mein hai iltefat

Arzo Sama bane hein

Uske karam ki had hai na koi hisab hai
Jispar nigah dal de wo Aaftab hai

Aaya hai muflison ki himayat liye hue
Mazlumon bekason ki mahobbat liye hue

Ahle gunah ke haq mein Shafa'at liye hue
Sare jahan ke liye rahmat liye hue

Hoga usi ki zaat pe Quran ka nuzul
Wo Aakhri kitab hai ye aakhri Rasool

Arzo Sama bane hein

Arzo Saman Bane Hain Naat Videi by Owais Raza Qadri